West Highland White Terrier

Þessi meðferð er sérstaklega ætluð West Highland White Terrier sem hafði verið rakaður snöggt og var kominn með rauða þurrku- og kláðabletti. Sérfræðingur Iv San Bernard tekur fram að fyrir þennan hund væri ráðlagt að hafa feldinn lengri og æskilegast að almenn feldhirða verði í samræmi við þarfir tegundarinnar.

Ráðlagt er að beita þessari meðferð í að lágmarki 4 skipti, á tveggja vikna fresti. 

Á milli baða er ráðlagt að bera Derma Gel S.O.S. á blettina, 1-2 sinnum á dag.

Blettir

Red clay og Ginkgo oil. Blandað vel saman og makað yfir verstu blettina á líkamanum. Látið vinna í samtals 20 mín.

Premask

Þegar leirinn hefur unnið á blettunum í 10 mín er eftirfarandi blanda borin í restina af líkamanum. Zeo maks og PH Balance, í jöfnum hlufjöllum ásamt um 1 tsk af Ginkgo oil og blandað vel saman við um 1 dl. af volgu vatni. Þessi blanda er borin í þurran feldinn/húðina og látið vinna í um 10 mín á meðan hundinum er pakkað í handklæði. Þar á eftir er blandan skoluð vandlega úr feldinum.

Sjampó

Zolfo sjampó 15 ml. og 5 ml. Ozon oil blandað í um 1 dl. af volgu vatni og notað til að þvo feldinn. Vinnið upp froðu alveg niður að húð (olían dregur þó úr hæfileikum sjampósins til að freyða) og látið vinna í um 3 mín. Skolið vandlega þar til allar sápuleyfar eru komnar úr feldinum.

Næring

10 ml. Zeo maks, 10 ml. PH balance og 10 ml Black Passion. Blandað saman í um 1 dl. af volgu vatni og borið í allan feldinn, látið vinna í 3 - 5 mín og skolið vandlega úr feldinum.