Vörulisti: Snöggur feldur

Hundar með snöggan feld eru með eitt aðalhár og fá stuðningshár í hverjum hársekk. Þar sem feldurinn veitir takmarkaða vörn fyrir húðina þá bæta þessir hundar það upp með því að framleiða 30% meiri húðfitu. Jafnframt liggur feldur þessara hunda nokkuð þétt að húðinni.

Mikilvægt er að bursta ALDREI á móti hárvextinum, það getur skemmt hársekkinn og leitt til sýkingar. 

Hundar með þessa feldgerð eru þvegnir með sjampói sem fjarlægir meira af fitu en aðrar vörur og því er mikilvægt að nota næringu eftir þvottinn með sjampói til að bæta upp það sem sjampóið fjarlægði. Sé það ekki gert er hætt við að fitukirtlarnir fara í yfirvinnu við fituframleiðslu sem leiðir yfirleitt til þess að þeim fer að klæja auk þess sem það getur fljótt komið áberandi hundalykt af þeim. 

Það er margt sem getur haft áhrif á heilbrigði feldsins eins og t.d. álag, veikindi, lyf, gelding/ófrjósemis aðgerð, meðganga og mjólkurframleiðsla, veðrið (hiti, raki, sól o.s.frv) o.fl.

Feldurinn getur því breyst sem og sú umhirða sem hann þarfnast. Vanti þig ráð með feldhirðuna er velkomið að hafa samband hér í gegnum síðuna.

Athugið að við val á vörum skal hafa í huga hvernig feldurinn væri ef hann er ekki klipptur.