Ichtyosis

Fyrir hund sem er einkennalaus af Ichtyosis er hjálplegt að beita eftirfarandi meðferð til að fyrirbyggja að einkenni láti á sér bera.

Þessa meðferð ætti að beita á 3 - 4 vikna fresti. Ráðlagt magn miðast við 30 - 35 kg. hund. Ekki er nauðsynlegt að setja premask alltaf þegar er baðað en gott að veita þá djúpnæringu allavega í þriðja hvert skipti.

Premask

Appelsínu næring og PH balance, í jöfnum hlutföllum blandað við vatn þannig að úr verði nokkuð þykk blanda sem borin er í þurran feldinn og látin vinna í um 15 mín. Til að tryggja betri virkni ætti að pakka hundinum inn í handklæði. Þá er næringarblandan skoluð vandlega úr feldingum.

Sjampó

Um 1 - 2 msk. af Zolfo plus ásamt 5 - 10 ml. af Ozonized Olive oil er blandað saman við vatn og borið í allan feldinn. Athugið að vegna olíunar þá mun sjampóið ekki freyða mikið. Látið vinna í um 3 mín og skolið þá vandlega úr feldinum.

Næring 

Blandið saman í jöfnum hlutföllum (10 - 15 ml. af hverju) appelsínunæring, PH balance, K101 og setjið um 5 ml. af Ginkgo Bilboa olíu saman við blönduna ásamt 1 - 2 dl. af vatni. Vinnið næringarblönduna vel inn í feldinn. Gott er að kemba yfir með mjúkum bursta til að tryggja að næringin nái að breiðast sem best um allan feldinn. Látið vinna í 3 - 5 mín og skolið þá vandlega úr feldinum.

Ráðlagt er að þurka allan feldinn með hárblásara að baði loknu.